<p>Limfodrenaj, limfa durğunluğunun xüsusi manjetlər vasitəsilə aradan qaldırılması və sorulmasıdır. Limfodrenaj bütün orqanizmdə limfa mayesi və qan dövranını artıraraq kompleks müalicəni təmin edir. Bu proses, artıq maye və zərərli maddələrin bədəndən çıxmasına, su balansının bərpasına və venoz qan dövranının yaxşılaşmasına kömək edir. Dəridə və dərialtı piy təbəqəsində mübadilə proseslərini yaxşılaşdırır, aktiv lipoliz vasitəsilə bədən çəkisini azaldır və selulitlərin əmələ gəlmə səbəblərini aradan qaldırır.</p><ul><li>Limfa sisteminin işini yaxşılaşdırır.</li><li>Dərin venoz trombozun qarşısını alır.</li><li>Xroniki venoz çatışmazlığı müalicə edir və qarşısını alır.</li><li>Revmatik artriti müalicə edir.</li><li>Qan dövranını yaxşılaşdırır.</li><li>Bağırsağın fəaliyyətini yaxşılaşdırır və qəbizliyin qarşısını alır.</li><li>Fiziki gərginliyi, yorğunluğu və yuxusuzluğu aradan qaldırır.</li><li>Dərinin tonusunu, elastikliyini və hamar səthini bərpa edir.</li><li>Bədənin formasını düzəldir.</li><li>"Yorğun ayaq" sindromunu müalicə edir.</li><li>Potensiyanı artırır.</li><li>Stress vəziyyətində yaxşı təsir göstərir.</li></ul>

<p>Ozonoterapiya zamanı toxumaların oksigen təmini artır, mikrosirkulyasiya yaxşılaşır, yeni damar və kapilyarlar qan dövranına qoşulur, qanın reoloji xüsusiyyətləri yaxşılaşır, qanyaranma sürətlənir və orqanizmin immun sistemi aktivləşir. Bundan əlavə, ozonun bakterisid, virusid və fungisid təsirləri vardır. Antiseptiklərdən fərqli olaraq, ozon toxumalara qıcıqlandırıcı və dağıdıcı təsir göstərmir, çünki orqanizmin özünün antioksidant sistemləri mövcuddur.</p><ul><li><strong>Dermatologiya:</strong> furunkulyoz, piodermiya, herpes, göbələk xəstəlikləri, sklerodermiya, psoriaz, neyrodermit, ekzema, çəhrayı dəmirov, dermatozlar və s.</li><li><strong>Kosmetologiya:</strong> gənclik sızanaqları, sellülit, lokal lipodistrofiya, alopesiya və s.</li><li><strong>Urologiya:</strong> pielonefrit, sistit, uretrit, prostatit və s.</li><li><strong>Mama-ginekologiya:</strong> cinsiyyət orqanlarının iltihabi xəstəlikləri, hamiləlik toksikozları, anemiya, dölün hipoksiyası, dölün bətndaxili infeksiyalaşması, sonsuzluq və s.</li><li><strong>Terapiya:</strong> xronik qastrit, kolit, mədə və 12 barmaq bağırsağın yarası, xronik hepatit, qaraciyər sirrozu, revmatizm, artrit, artroz, ürəyin işemik xəstəliyi, allergik xəstəliklər, yuxarı tənəffüs yollarının xəstəlikləri, hipertoniya xəstəliyi və s.</li></ul>

<p>İnhalyasiya terapiyası, dərmanların və ya müalicəvi təsirə malik maddələrin (məsələn, fizioloji məhlulun) tənəffüs yolları vasitəsilə orqanizmə çatdırılması üsuludur. Bu metod xüsusi cihazlar – inhalyatorlar və nebulayzerlər vasitəsilə həyata keçirilir.</p><p><strong>Faydaları və tətbiq sahələri:</strong></p><ul><li>Tənəffüs yollarındakı iltihabı aradan qaldırır;</li><li>Nəfəs almağı yüngülləşdirir;</li><li>Bronxları genişləndirir və seliyi xaric etməyi asanlaşdırır;</li><li>Allergik reaksiyaların simptomlarını azaldır;</li><li>Astma, bronxit, KOAH və digər tənəffüs sistemi xəstəliklərinin müalicəsində geniş istifadə olunur.</li></ul><p>İnhalyasiya terapiyası dərmanların birbaşa tənəffüs yollarına çatdırılmasını təmin edir, yan təsirləri minimuma endirir və tez təsir göstərir. Bu metod hər yaş qrupuna uyğun təhlükəsiz bir müalicə üsuludur.</p>