<p>İnhalyasiya terapiyası, dərmanların və ya müalicəvi təsirə malik maddələrin (məsələn, fizioloji məhlulun) tənəffüs yolları vasitəsilə orqanizmə çatdırılması üsuludur. Bu metod xüsusi cihazlar – inhalyatorlar və nebulayzerlər vasitəsilə həyata keçirilir.</p><p><strong>Faydaları və tətbiq sahələri:</strong></p><ul><li>Tənəffüs yollarındakı iltihabı aradan qaldırır;</li><li>Nəfəs almağı yüngülləşdirir;</li><li>Bronxları genişləndirir və seliyi xaric etməyi asanlaşdırır;</li><li>Allergik reaksiyaların simptomlarını azaldır;</li><li>Astma, bronxit, KOAH və digər tənəffüs sistemi xəstəliklərinin müalicəsində geniş istifadə olunur.</li></ul><p>İnhalyasiya terapiyası dərmanların birbaşa tənəffüs yollarına çatdırılmasını təmin edir, yan təsirləri minimuma endirir və tez təsir göstərir. Bu metod hər yaş qrupuna uyğun təhlükəsiz bir müalicə üsuludur.</p>

<p>Adətən müxtəlif xəstəliklərin kompleks müalicəsində (digər müalicə üsulları ilə yanaşı) istifadə olunur və sağalmanı sürətləndirir. Profilaktik məqsədi ilə istifadə olunduqda, elektroforez müstəqil şəkildə istifadə oluna bilər.&nbsp;</p><p>Elektroforez bu kimi xəstəliklər zamanı geniş istifadə olunur:</p><ul><li>oynaqlar və sümüklər patologiyaları zamanı (artrit, poliartrit, osteoxondroz, onurğa sütunu protruziyaları və yırtıqları)</li><li>LOR xəstəlikləri zamanı (tonzillit, haymorit, otit)</li><li>qadın cinsiyyət sistemi iltihabları və xəstəlikləri zamanı (endoservisit, endometrioz, endometrit, kolpit, uşaqlıq boynu eroziyası)</li><li>prostatit, sistit, pielonefrit zamanı</li><li>xroniki bronxitin müalicəsində</li><li>ürək-damar sistemi xəstəlikləri</li><li>ateroskleroz</li><li>hipertoniya</li><li>hipotoniya</li><li>cərrahiyyə əməliyyatlardan, travmalardan, iltihablardan sonra əmələ gəlmiş çapıqların, bitişmələrin müalicəsində</li><li>sinir sistemi patologiyaları (radikulit, nevralgiya və s.), yuxu pozulmaları, nevroz, miqren</li><li>vətərlərin gərilməsi və zədələnməsi, ödemlər, ağrı sindromu</li><li>pediatriyada elektroforez geniş istifadə olunur</li></ul>

<p>Ozonoterapiya zamanı toxumaların oksigen təmini artır, mikrosirkulyasiya yaxşılaşır, yeni damar və kapilyarlar qan dövranına qoşulur, qanın reoloji xüsusiyyətləri yaxşılaşır, qanyaranma sürətlənir və orqanizmin immun sistemi aktivləşir. Bundan əlavə, ozonun bakterisid, virusid və fungisid təsirləri vardır. Antiseptiklərdən fərqli olaraq, ozon toxumalara qıcıqlandırıcı və dağıdıcı təsir göstərmir, çünki orqanizmin özünün antioksidant sistemləri mövcuddur.</p><ul><li><strong>Dermatologiya:</strong> furunkulyoz, piodermiya, herpes, göbələk xəstəlikləri, sklerodermiya, psoriaz, neyrodermit, ekzema, çəhrayı dəmirov, dermatozlar və s.</li><li><strong>Kosmetologiya:</strong> gənclik sızanaqları, sellülit, lokal lipodistrofiya, alopesiya və s.</li><li><strong>Urologiya:</strong> pielonefrit, sistit, uretrit, prostatit və s.</li><li><strong>Mama-ginekologiya:</strong> cinsiyyət orqanlarının iltihabi xəstəlikləri, hamiləlik toksikozları, anemiya, dölün hipoksiyası, dölün bətndaxili infeksiyalaşması, sonsuzluq və s.</li><li><strong>Terapiya:</strong> xronik qastrit, kolit, mədə və 12 barmaq bağırsağın yarası, xronik hepatit, qaraciyər sirrozu, revmatizm, artrit, artroz, ürəyin işemik xəstəliyi, allergik xəstəliklər, yuxarı tənəffüs yollarının xəstəlikləri, hipertoniya xəstəliyi və s.</li></ul>