Nafta Sanatoriyası Naftalan şəhərinin mərkəzi küçəsində, Heydər Əliyev prospekti 71 ünvanında yerləşən nüfuzlu 4* oteldir. Yaşıllıqlar və geniş parklarla əhatə olunmuş bu məkan, həm istirahət, həm də tibbi müalicə üçün ideal şərait yaradır.

11 mərtəbəli otelin -1-ci mərtəbəsində geniş fizioterapiya mərkəzi yerləşir. Burada hidro kolonoterapiya, masaj və duz otağı, hidro masaj, fito-boçka və xüsusi Naftalan vannaları ilə yanaşı, müalicə üçün ən müasir avadanlıqlarla təmin olunmuş tibbi kabinlər mövcuddur. 19 fizioprosedur kabinləri yüksək keyfiyyətli BTL avadanlıqları ilə təchiz olunub. Bu avadanlıqlar sayəsində növbələr yaranmadan müalicə rahat və keyfiyyətli şəkildə həyata keçirilir. Nafta Sanatoriyası, 4 kameralı Naftalan vannası, karbon vannası və hidro masaj terapiyası kimi xüsusi müalicə üsullarını təqdim edən yeganə oteldir.

Bununla yanaşı, -1-ci mərtəbədə əyləncə üçün nəzərdə tutulmuş Disco Bar fəaliyyət göstərir. Burada dadlı A la carte menyu, müxtəlif içkilər, canlı musiqi, karaoke, billiard zonası və daha bir çox xidmətlər mövcuddur. Müasir dizaynı və geniş məkanda zövqlü bir əyləncə imkanı təklif olunur.

11-ci mərtəbədə yerləşən fitness zalı isə gözəl mənzərə ilə birlikdə müasir idman alətləri təklif edir.

Nafta Sanatoriyasında 3 kateqoriyaya aid 78 otaq mövcuddur: Standart Otaq, Deluxe Otaq və Junior Suite. Otaqlar kondisioner, LED TV, pulsuz Wi-Fi, seyf, mini soyuducu, elektrik çayniki, fen və mərkəzi isitmə sistemi ilə təmin olunub. Otaqların ölçüsü və yataq çeşidləri qonaqların rahatlığı üçün müxtəlifdir. Standart Otaq 22 kv.m-dir və double, twin və triple növləri mövcuddur. Deluxe Otaq 42 kv.m ölçüsündə geniş ailə üçün nəzərdə tutulub. Junior Suite isə 30 kv.m-lik iki otaqlı geniş sahəyə malikdir.

Sanatoriyanın poliklinika şöbəsi 10 Naftalan vannası zonasına malikdir. Burada təcrübəli həkimlər, o cümlədən terapevt, kardioloq, uroloq, ginekoloq, USM və EKQ mütəxəssisləri fəaliyyət göstərir.

Otelin restoranında hər gün 3 dəfə yemək verilir. Milli, Türk, Avropa və Şərq mətbəxinin təamlarını dadmaq mümkündür. VİP zalında isə xüsusi tədbirlər və yaddaqalan məqamlar üçün xidmətlər təklif olunur.

Nafta Sanatoriyası sizə həm istirahət, həm də müalicə üçün ən yüksək səviyyədə xidmət və şərait təklif edir.