<p>Ozonoterapiya zamanı toxumaların oksigen təmini artır, mikrosirkulyasiya yaxşılaşır, yeni damar və kapilyarlar qan dövranına qoşulur, qanın reoloji xüsusiyyətləri yaxşılaşır, qanyaranma sürətlənir və orqanizmin immun sistemi aktivləşir. Bundan əlavə, ozonun bakterisid, virusid və fungisid təsirləri vardır. Antiseptiklərdən fərqli olaraq, ozon toxumalara qıcıqlandırıcı və dağıdıcı təsir göstərmir, çünki orqanizmin özünün antioksidant sistemləri mövcuddur.</p><ul><li><strong>Dermatologiya:</strong> furunkulyoz, piodermiya, herpes, göbələk xəstəlikləri, sklerodermiya, psoriaz, neyrodermit, ekzema, çəhrayı dəmirov, dermatozlar və s.</li><li><strong>Kosmetologiya:</strong> gənclik sızanaqları, sellülit, lokal lipodistrofiya, alopesiya və s.</li><li><strong>Urologiya:</strong> pielonefrit, sistit, uretrit, prostatit və s.</li><li><strong>Mama-ginekologiya:</strong> cinsiyyət orqanlarının iltihabi xəstəlikləri, hamiləlik toksikozları, anemiya, dölün hipoksiyası, dölün bətndaxili infeksiyalaşması, sonsuzluq və s.</li><li><strong>Terapiya:</strong> xronik qastrit, kolit, mədə və 12 barmaq bağırsağın yarası, xronik hepatit, qaraciyər sirrozu, revmatizm, artrit, artroz, ürəyin işemik xəstəliyi, allergik xəstəliklər, yuxarı tənəffüs yollarının xəstəlikləri, hipertoniya xəstəliyi və s.</li></ul>

<p>Lazer terapiyası koherent monoxromatik işıq selindən istifadə edərək müəyyən sahəyə yönəldilən effektiv fizioterapevtik prosedurdur. Bu terapiyadan tibbin müxtəlif sahələrində istifadə olunur. Yarımkeçirici lazer terapiyası onurğa yırtığı, osteoxondroz, oynaq xəstəlikləri və s. müalicəsində istifadə edilir.</p><ul><li><strong>Dermatologiya:</strong> neyrodermit, ekzema, psoriaz, allergik dermatitlər, herpes, akne.</li><li><strong>Urologiya:</strong> pielonefrit, böyrək daşı xəstəlikləri, sistit, uretrit, prostatit.</li><li><strong>Ginekologiya:</strong> adneksit, kiçik çanaq iltihabi proseslər.</li><li><strong>Nevrologiya:</strong> osteoxondroz, radikulit, nevritlər, nevralgiyalar, nevrozlar.</li><li><strong>Pulmonologiya:</strong> bronxit, bronxial astma, xroniki pnevmoniya, pnevmoskleroz, plevrit.</li><li><strong>Qulaq-burun-boğaz xəstəlikləri:</strong> rinit, haymorit, tonzillit.</li></ul>

<p>İnfraqırmızı-Sollyuks terapiyası, bədənin müəyyən nahiyələrinə infraqırmızı işığın istilik təsirini çatdırmaqla müalicəvi effekt yaradan bir prosedurdur. Bu metod iltihabın azaldılmasında, qan dövranının yaxşılaşdırılmasında və ağrıların yüngülləşdirilməsində geniş istifadə olunur.</p><p><strong>Faydaları və təsirləri:</strong></p><ul><li>Yerli qan dövranını artırır və toxumaların oksigenlə təmin olunmasını yaxşılaşdırır;</li><li>Ağrını azaldır və əzələlərin rahatlamasına kömək edir;</li><li>İltihab əleyhinə və regenerasiya proseslərini stimullaşdırır;</li><li>Soyuqdəymə, əzələ ağrıları və revmatizm kimi şikayətlərdə istifadə olunur.</li></ul><p>Prosedur pasiyent üçün rahat və ağrısızdır, həmçinin qısa müddətdə müsbət təsir göstərir.</p>