<p>Sollyuks infraqırmızı şüalanmanın təsirinə əsaslanan müalicə üsuludur. Bu müalicə zamanı dərinin temperaturu artır və damarlar genişlənir. Nəticədə qan təchizatı yaxşılaşır və iltihab proseslərinin qarşısı alınır.</p><ul><li>Dəri xəstəlikləri</li><li>Qadın orqanlarının xəstəlikləri</li><li>Qaraciyər xəstəlikləri</li><li>Öd yollarının xəstəlikləri</li><li>Nevrit</li><li>Radikulit</li><li>Parez və iflic</li></ul>

<p><strong>Zərbə-Dalğa Terapiyası (ESWT)</strong>, insan bədəninin xaricində yaradılan güclü səs dalğalarının xüsusi aplikatorlar vasitəsilə problemli nahiyəyə tətbiq olunmasına əsaslanan müalicə üsuludur. Bu terapiya dirsək, topuq və çiyin ağrıları, həmçinin psevdartroz kimi müxtəlif ortopedik problemlərin müalicəsində istifadə olunur.</p><p>Müalicə prosesi xüsusi cihaz vasitəsilə çox aşağı tezlikli səs dalğaları (akustik dalğalar) yaradılması ilə həyata keçirilir. Bu akustik dalğalar toxumalara yayılaraq sümüyə qədər nüfuz edir.</p><p><strong>Prosedur zamanı pasiyentlər adətən aşağıdakı təsirləri müşahidə edir:</strong></p><ul><li>Cihazın təmas etdiyi nahiyədə qan axınının artması;</li><li>Kəskin və xroniki ağrıların azalması;</li><li>Yerli iltihabın və şişin azalması;</li><li>Ümumi əhval-ruhiyyənin yaxşılaşması.</li></ul>

<p>Lazer terapiyası koherent monoxromatik işıq selindən istifadə edərək müəyyən sahəyə yönəldilən effektiv fizioterapevtik prosedurdur. Bu terapiyadan tibbin müxtəlif sahələrində istifadə olunur. Yarımkeçirici lazer terapiyası onurğa yırtığı, osteoxondroz, oynaq xəstəlikləri və s. müalicəsində istifadə edilir.</p><ul><li><strong>Dermatologiya:</strong> neyrodermit, ekzema, psoriaz, allergik dermatitlər, herpes, akne.</li><li><strong>Urologiya:</strong> pielonefrit, böyrək daşı xəstəlikləri, sistit, uretrit, prostatit.</li><li><strong>Ginekologiya:</strong> adneksit, kiçik çanaq iltihabi proseslər.</li><li><strong>Nevrologiya:</strong> osteoxondroz, radikulit, nevritlər, nevralgiyalar, nevrozlar.</li><li><strong>Pulmonologiya:</strong> bronxit, bronxial astma, xroniki pnevmoniya, pnevmoskleroz, plevrit.</li><li><strong>Qulaq-burun-boğaz xəstəlikləri:</strong> rinit, haymorit, tonzillit.</li></ul>